خطوات استلام شقة في جنة أكتوبر

خطوات استلام شقة في مشروع كمبوند جنة أكتوبر منقول عن مدام ايمان محمد

دي خطوات الاستلام مرحله مرحله: 1 بنك الاسكان – فرع المنتزه – 6 اكتوبر • التوجه الى أ/ نجوى أو أ/ محمود (تعاقدات جنه) • المستندات (بطاقة الحاجز + دفتر الشيكات + استمارة الحجز) • يتم سداد ( دفعة الاستلام + 6% وديعة الصيانه + مصاريف اخرى فى حدود 700 جم ) • يتم الحصول على ( خطاب من البنك موجه للجهاز بالاستلام + ايصالات سداد بالمبالغ المدفوعه اهمها دفعة الاستلام والوديعه + جدول سداد الاقساط) ☝️☝️ وتصوروا كل ورقه قبل ما تسلموها لاى جه تانيه حتى لو بالموبايل 2 الجهاز • التوجه الى المبنى الجديد – المركز التكنولوجى الدور الارضى –شباك استلام جنه

• هايطلع بس على أصول الاوراق اللى خدتها من البنك وأصل البطاقه – مش هايخد منك مستند- وهايعملك إذن توريد رسوم توصيل الكهرباء والغاز بمبلغ 4107 جم هاتروح بعدها للخزنه فى نفس المكان تدفع كاش او بالفيزا وتاخد ايصال. • التوجه إلى اى شباك خدمة عملاء فى نفس المكان وهياخد منك (صورة بطاقة الحاجز والزوجه والاصل للاطلاع + أصل ايصال سداد دفعة الاستلام والوديعه اللى خدتها من البنك + أصل خطاب البنك للجهاز + أصل ايصال سداد رسوم الكهربا والغاز)

ملحوظه أى مستند تاخد منه على الاقل 3 صور علشان فى حاجات هتحتاج الصور دي فيها بعد كدا. • هايطبعلك ورقه تتوجه بيها لشباك العقاريه فى نفس المكان واللى هاتنتظر عنده لحد ما يقولك إن جواب الاستلام خلص اطلع استلمه من الدور التانى من نفس المبنى من مكتب الاداره العقاريه (هاتخد جواب مش مختوم للاستلام) وهايقولك روح الموقع اديهم الجواب عشان يتعملك محضر الاستلام ما تعملش كدا الا لما تتأكد انى فى حد من الجهاز موجود فى الموقع اسمه الاستاذ أسامه وغالبا مش بيكون موجود ولكان مكتبه فى الجهاز وده اللى بيكون موجود فيه. • هاتروح لمبنى الجهاز القديم الدور التانى ادارة التنفيذ تسال على ا/ اسامه او مديره المهندس سيد ومعاك ( اصل الخطاب اللى خدته من الاداره العقاريه وصوره من بطاقة الحاجز وصوره من ايصال سداد دفعة الاستلام والوديعه اللى خدتها من البنك وصوره من أصل خطاب البنك للجهاز وصوره من جدول سداد الاقساط. • هايعملك محضر استلام وانت واقف وتنزل من عنده تختمه من الدور الارضى بختم النسر وبكدا انت معاك أصل محضر استلام وصوره مكربنه منه والاصل دا بيكون معاك بتتعامل بيه فى المرافق. مكتب العقاريه فى نفس المبنى لكن من الباب إلى بعده واتصلوا الاول بمهندس اسامه علشان ماترحوش الكومباوند وترجعوا تانى زيى ودة رقم مهندس اسامه 👇👇 01223891067 وهكتب رقم بتاع الغاز ممكن اتصلوا بيه ويبعتلكم مندوب لحد البيت يتعاقد معاكم 01118135495 اسمه احمد 3 شركة المياه • مقرها على محور جمال عبد الناصر مباشرة مدخل السابع بجوار الاسعاف وخلف مستشفى الزهور • تروح شباك الاشتراكات ا/ محمد معاك صوره من محضر الاستلام والبطاقه هايدفعك 325 جم وهاتخرج بره المبنى تشترى عداد مياه فى كشك تبع المصانع الحربيه تجيب منه وماتجبش من الناس اللى واقفه تنادى عليك ، هاتجيب العدد ومعاه فاتوره وورقة ضمان هاتصور كل ورقه صورتين وتجيب ملف ورق من عند بتاع التصوير وترجع للشباك تانى هايعملك العقد وكدا خلاص وتركب انت العداد بمعرفتك . 4 شركة الكهرباء • اخر محمور جمال عبد الناصر بعد الكوبرى اللى بيتعمل جديد على الشمال • تدخل من المدخل الجانبى مباشرة على الدور التانى ا/ سيد ابو العلا ومعاك صوره من محضر الاستلام والبطاقه هايسلمك كارت اللى هاتشحن بيه عداد الكهرباء ومش هاتدفع اى رسوم . وكدة ابقى اكون قولتلكم على كل الخطوات الى عملتها

من جروب سيدات جنة اكتوبر Janna October Ladies